+7 (777) 001 44 99
Қазақша
Русский
English
"Жылжымайтын мүлік тіркелімі" мемлекеттік деректер базасының жұмысын қалыпқа келтіру бойынша техникалық жұмыстар аяқталды, - деп хабарлайды Tengrinews.kz тілшісі "Азаматтарға арналған үкімет" Мемлекеттік корпорациясына сілтеме жасап.
Енді қазақстандықтардың ХҚКО-лардан барлық мемлекеттік көрсетілетін қызметтерді алуларына болатыны айтылады. "Жүйенің істен шығуы кезінде жылжымайтын мүлік саласы бойынша қызметтерді алу мүмкін болмады, оның үстіне тұрғылықты жері бойынша тіркелуге ниет білдіргендер мекенжайларының тіркелу кодын тексере алмағандықтан, тұрғылықты жері бойынша уақытша тіркеуде қиындықтар болды", - деді баспасөз қызметіндегілер.
Осыған дейін Қазақстандағы арнайы ХҚКО-лардың жұмысын тоқтатқаны хабарланған болатын. "ІІМ жүйесіндегі ақауларға байланысты Қазақстан Республикасы территориясындағы арнайы халыққа қызмет көрсеут орталықтары келушілерге уақытша көмек көрсете алмайды. Қайта қалпына келтіру жұмыстары жүргізіліп жатыр. Сіздердің шыдамдылығыңыз үшін алғыс айтып, кешірім сұраймыз!", - делінген еді хабарландыруда.
Айта кетейік, еліміздің ХҚКО-ларында уақытша тіркеу жалғасып жатыр. Сондай-ақ, ХҚКО-лардағы кезек саны туралы ақпаратты мемлекеттік корпорацияның www.goscorp.kz ресми сайтынан көруге болады және ақпарат сағат сайын жаңартылып тұрады.
