YouTube ресурсында қазақ тілі іске қосылды
@Massaget.kz
YouTube ресурсында қазақ тілі қосылды, - деп хабарлайды Massaget.kz басылымы.
Ресурстың сарапшыларының айтуынша, Google компаниясының интернет-сервисі - YouTube тағы да 15 тілмен толықты. "Нәтижесінде видеохостинг әлемнің 76 тілінде қызмет көрсете алатын болады", - деді олар.
Айта кетейік, бүгінде YouTube видеохостингін ғаламтор пайдаланушыларының 95 пайызы қолданады. Сайттағы видеолардың орташа көрілімі 2 миллиардқа жуық.
YouTube видеохостингіне қазақ тілінен басқа әзірбайжан, армян, бирман, грузин, қырғыз, лаос, македон, моңғол, непал, пенджаби, сингаль, албан, өзбек тілдері де енді. Бұл қолданушылардың іздеу жұмыстарын жеңілдетеді.
Еске сала кетейік, 2014 жылдың желтоқсанында Google аудармашысына қазақ тілінің енгізілгені хабарланған болатын.