Жаңа жыл қарсаңында Астанадан қосымша пойыздар шығады, - деп хабарлайды Tengrinews.kz тілшісі "Жолаушылар тасымалы" АҚ баспасөз қызметінің өкілдеріне сілтеме жасап.
Көпшіліктің сұранысын қанағаттандыру мақсатында Астана-Павлодар бағыты бойынша қосымша №100/99 жолаушылар пойызы сапарға шығады.
"Жүрдек пойыз "Тұлпар-Тальго" вагондарынан құралған және Астанадан 2015 жылдың 16, 20, 22, 24, 26, 28, 30 желтоқсан күндері, ал Павлодардан 2015 жылдың 17, 21, 23, 25, 27, 29, 31 желтоқсан күндері аттанады", - делінген хабарламада.
Сонымен қатар, 2015 жылдың 14 желтоқсанынан бастап "Астана-Актөбе" бағыты бойынша №88/87 жүрдек пойызы күн сайын жүретін болды.
