Жоғалғанына тоғыз ай өткен ҰҚК қызметкері әлі табылмады

Астанада 2017 жылы жоғалып кеткен ҰҚК қызметкері әлі күнге дейін іздестіріліп жатыр, - деп хабарлайды Tengrinews.kz тілшісі.

32 жастағы Самат Шәкеев 2017 жылдың тамызында жоғалып кетіп, сол күйі үйіне оралмаған. Жұбайы Салтанат Шәкеева күйеуінің Ұлттық қауіпсіздік комитетінің қызметкері екенін және Астанада жұмыс істегенін хабарлаған еді. Бірақ әлі күнге дейін еш хабар жоқ.

"Ер адамның қайда екенін анықтау мақсатында кешенді жедел-іздестіру шаралары жүргізіліп жатыр", - деп хабарлады Астана қалалық ІІД баспасөз қызметі.

Сондай-ақ, осыған дейін ҰҚК өкілдері жоғалған қызметкерге қатысты мәлімдеме жасаған болатын.