+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
"ҚазМұнайГаз" БӨ" салық органдарының тексерісінен кейін шығарылған шешіммен келіспейді, компания жақын арада шағым түсіруді жоспарлап отыр, - деп хабарлайды Tengrinews.kz тілшісі компанияның баспасөз қызметіне сілтеме жасап.
"ҚазМұнайГаз" БӨ" салық органдарының тексерісінен кейін шығарылған шешіммен келіспейді, компания жақын арада шағым түсіруді жоспарлап отыр, - деп хабарлайды Tengrinews.kz тілшісі компанияның баспасөз қызметіне сілтеме жасап.
Компания салық органдары 2014 жылдың қыркүйек айында бастаған 2009-2012 жылдар бойынша құжаттық салық тексерісінің аяқталғанын хабарлады. Тексеріс нәтижесі бойынша салық органы 18,6 миллиард теңге көлемінде қосымша есептеу жасап, уақытылы төленбегені үшін 9,7 миллиард теңге көлемінде өсімпұл мен 10,2 миллиард теңге көлемінде айыппұл талап еткен. Компания тексеріс актісінің қорытындысымен келіспейтінін және өкілетті органға жақын арада шағымданатынын хабарлады.
2015 жылдың 30 маусымындағы жағдай бойынша қаржылық есепте ҚМГ БӨ 2009-2012 жылдардағы кешенді салық тексерісі бойынша салық төлеуге 16,7 миллиард теңге көлемінде резерв қалдырған. Резерв салық органдарымен талқылау нәтижесі бойынша "ҚазМұнайГаз" бұл тексеріске қатысты сотқа шағымданған жағдайда, шағымының қанағаттандырылатынына толық сенімді емес болғандықтан қалдырылған.
16,7 миллиард теңге көлеміндегі провизия айыппұлдар мен өсімпұлдарға қосымша кіріс салығы мен үстеме пайда салығына қатысты болып отыр. Қазіргі уақытта ҚМГ БӨ салық талаптары бойынша шағымдануға дайындалып жатыр және олардың көлемін шағымдану процесінің барысында және тоқсандық және жылдық есеп дайындау барысында бағалайды.
