Парламент Мәжілісінің депутаты Нұртай Сәбильянов Қазақстандағы банк құпиясын жоюға тырысатынын айтты, - деп хабарлайды Tengrinews.kz тілшісі.
"Проблемалы несиеге келетін болсақ, проблемалы несиелер қорының жарғылық капиталын ұлғайтуға бөлінеді деп жоспарланған 250 миллиард теңге Мемлекет басшысының бұйрығымен үкімет қорын ұлғайтуға жіберілді. Ұлттық банк комиссиясының проблемалы несие алушылар жайлы ақпаратты пайдалануға беру туралы ұсыныс хатына сұралып отырған ақпараттың банктік құпия екені туралы жауап келді", - деді Нұртай Сәбильянов бюджет қаражатының жұмсалуы туралы комиссия отырысының барысында.
"Осыған байланысты біз банк құпиясының болмауы үшін екінші деңгейлі банктер туралы заңға өзгеріс енгізуге ниеттіміз. Бұл мәселені көтеретін боламыз", - деді ол.