Ұлттық банк 2006 жылғы үлгідегі номиналы 2000, 5000 және 10 000 теңгелік банкноттарды қабылдау және айырбастау мерзімін ұзартты. Банкноттарды айырбастау жеке тұлғалар үшін 2021 жылғы 1 ақпанға дейін жүргізіледі, - деп хабарлайды Tengrinews.kz тілшісі.
Ұлттық банк 2006 жылғы үлгідегі номиналы 2000, 5000 және 10 000 теңгелік банкноттарды қабылдау және айырбастау мерзімін ұзартты. Банкноттарды айырбастау жеке тұлғалар үшін 2021 жылғы 1 ақпанға дейін жүргізіледі, - деп хабарлайды Tengrinews.kz тілшісі.
"Халықтан өтініш түскен соң біз осындай шешім қабылдадық. Кейбір азаматтар, көбіне зейнет жасындағы қарт адамдар қандай да бір себептермен ескі банкноттарды уақытында айырбастап үлгермеген", - деді Ұлттық банктің қолма-қол ақша айналымы департаментінің директоры Жомарт Қажымұратов.
Айта кетейік, банкноттарды айырбастау тек Ұлттық банктің филиалдарында жүргізіледі.
Еске салайық, 2006 жылғы үлгідегі номиналы 2000, 5000, 10 000 теңгелік банкноттарды айырбастау 4 жыл бойы - 2016 жылдың 4 қазаннан 2020 жылдың 5 қазаны аралығында жүргізілген еді.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!