TengrinewsTV Қуанышбаев атындағы Мемлекеттік академиялық қазақ музыкалық драма театрының әртістерімен бірге белгілі музыкант Батырхан Шүкеновті еске алу видеосын дайындады.
Әртістер театр сахнасында әншінің "Отан Ана", "Нелюбимая", "Қайран көңіл-ай", "Певица и саксофон", "Дождь" әндерінен үзінді оқыды. Актерлер монологты скрипка, виолончель, синтезатор және саксофонның сүйемелдеуімен орындады.
Еске салайық, Батырхан Шүкенов 2015 жылдың 29 сәуірінде өмірден озған болатын. Музыканттың тыңдармандары былтыр Астана, Алматы сияқты үлкен қалаларда оның әндерін орындады.
