01 наурыз 2020 11:27

"Мен де қорқамын". Жанкүйерлері Токиода концерт беретін Димашты сақтануға шақырды

Танымал қазақстандық әнші Димаш Құдайберген Instagram желісіндегі парақшасында Жапонияда концерті өтетінін жазды, - деп хабарлайды Тengrinews.kz тілшісі.

Танымал қазақстандық әнші Димаш Құдайберген Instagram желісіндегі парақшасында Жапонияда концерті өтетінін жазды, - деп хабарлайды Тengrinews.kz тілшісі.

"See you in JAPAN. Жапониядагы "Джаз фестиваль" аясындағы концертімде көріскенше", - деп жазды әнші видеоның сипаттамасында.

Айта кетейік, 19-шы Tokyo Jazz Festival 22-24 мамырда Жапония астанасында өтеді. Бұл күншығыс елінің ең ірі музыкалық фестивальдерінің бірі, ол 2002 жылдан бастау алады. Ол шын мәнінде танымал джаз әртістерінің қатысуымен танымал. Биыл музыкалық қызметті ұйымдастырушылар 90 мың көрерменді күтеді.

Димаш Құдайбергеннің Instagram желісіндегі парақшасында жариялаған әр жазбасы лайктарға толып, мыңдаған пікірлерге толы болатыны сөзсіз. Әр елден әр тілде жазатын оқырмандар әншіні қолдап, жылы лебіздерін білдіріп жатады. Алайда бұл жолғы жазбасындағы пікірлер сәл басқа бағытта өрбіді. Бұл жолы қолдау емес, әнші үшін алаңдаушылық көп. Өйткені Қытайда тараған коронавирус қауіпі әнші жазып отырған Жапонияда мыңға жуық адам ауру жұқтырған, оның 11-і қайтыс болған.

"Абай бол. Тоқтатсаң қайтеді. Сақтансаң сақтайды", - деп жазды anarayensebayeva есімді қолданушы.

"Мен де қорқамын мыңдап жиналады ғой ол концертке", - деп толықтырды makeup.aiga.

"Әлі 3 ай бар, оданша ауру тоқтасын деп тілеңіздер, қудай сақтасын әрине соншалықты 3 ай бойы жалғасса да Димаштың ондай ақылы бар деп ойлаймын", - деп жазды edoru.yano нигімен тіркелген қолданушы.

"Шынымен де əлемде қауіпті вирус қаптап жатқанда біраз тоқтата тұру керек сияқты", - деп қосты bulgakbae.

"Жаным-ау ешкайда бармай тура туршы. Короновирус деген оршип барады гой", - дейді gulmiraabaievna.