Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.80
EUR / KZT - 390.57
CNY / KZT - 49.88
RUB / KZT - 5.60

Радик Тюлюш: "Күз дауыстары" думанында бар өнерімді көрсетемін

02 Қазан 2014, 17:18
0
Радик Тюлюш. ©Ярослав Радловский
Радик Тюлюш. ©Ярослав Радловский

Туваның белгілі мультиинструменталисі, көмей әнінің шебері Радик Тюлюш "Күз дауыстары" атты бірегей думан барысында көрермендерді не күтетінін айтып берді, - деп хабарлайды Tengrinews.kz тілшісі.

Бірнеше нотаны қатар ала білетін дарын иесі қазақстандық диджей Нариман Исеновпен бірге және "Қазына" қазақ вокал ансамблінің сүйемелдеуімен өнер көрсетеді. Өнерпаздар концерттің дайындығына кірісіп кетті.

Ұйымдастырушылардың шешімі бойынша "Күз дауыстары" музыкалық думаны дәстүрлі көмей әуенін академиялық вокалмен, этникалық және электронды музыкамен ұштастырады. Тувалық әншінің айтуынша, ерекше симбиозға қатысушыларда өнер көрсетудің ортақ тұжырымдамасы қалыптасты. Қазақ пен тува халқының тілі бір және түркі музыкасының тамыры ортақ болғандықтан, мұндай өзара үйлескен микс көпшілікке ұғынықты болады. Тюлюштің концерттік бағдарламасы өз халқының әндерінен, көмей әуенінен және туваның көне музыкалық аспаптарының дыбысынан тұрады.

Тюлюш керілген қылы бар аспап - бұзаудың мөңіреген үнін шығаратын бызаншы туралы айтып берді. Тува музыкасы табиғаттағы бар дыбысты естіртеді. Музыканттың айтуынша, "Күз дауыстары" думанында да табиғаттың тылсым дыбыстары, адам мен қоршаған ортаның үйлесімі, бәрі-бәрі болады. Диджей Нариман Исеновтің айтуынша, оның клубтық тректері еуропалық музыка болғанымен, этникалық дыбыстармен де жарасым табады. Дәл осы этникалық және электронды музыканың бірігуінен адам мен табиғат үйлесімінің жалпы атмосферасы тумақ.

Радик Тюлюштің қатысуымен өтетін бірегей музыкалық кешті ұйымдастырушы - Tengri FM ұлттық радиостанциясы. "Күз дауыстары" думаны 3 қазан күні Dostyk Plaza сауда - ойын-сауық орталығындағы Space мультимедиялық галереясында өтеді. Space галереясы визуалдық көркемдік шешімдермен жабдықталған. Концерт 20.00-де басталады. Билеттерді "Меломан Grand", "Меломан Mega" және " Меломан Dostyk Plaza" дүкендерінің кассасынан сатып алуға болады. Анықтама телефоны: + 7 727 3 888 155.


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай