Долларды сатып алу мен сатудың ауытқу шегі 6 теңгеге дейін кеңейеді, - деп хабарлайды Tengrinews.kz тілшісі Ұлттық банктің қаулысына сілтеме жасап.
"Уәкілетті банктердің және уәкілетті ұйымдардың айырбастау пункттері арқылы жүргізілетін операциялар бойынша шетел валютасын теңгеге сатып алу бағамының сату бағамынан ауытқу шектері: 1) АҚШ доллары үшін - 6 теңге; 2) еуро үшін - 7 теңге болып белгіленсін", - делінген Ұлттық банктің қаулысында. Құжат 2016 жылдың ақпанынан бастап енгізіледі.
Еске салайық, осыған дейін Ұлттық банктің бұрынғы басшысы Қайрат Келімбетов долларды сатып алу мен сату айырмасының ауытқу шегінің 2 теңге болып сақталатынын мәлімдеген болатын.