Игерілмеген қаржы Парламентке жетпей қайтарылады - Сағынтаев

16 Қазан 2018, 11:57
0
Игерілмеген қаржы Парламентке жетпей қайтарылады - Сағынтаев - © primeminister.kz
© primeminister.kz

Мемлекеттік органдардың уақытында игерілмеген бюджет қаржысы Парламентке жетпей қолданыстан шығарылатын болады. Бұл туралы премьер-министр Бақытжан Сағынтаев үкімет отырысында мәлімдеді, - деп хабарлайды Tengrinews.kz тілшісі.

"Игерілмеген біраз сома Мәдениет және спорт министрлігінде, Қорғаныс министрлігінде, Ұлттық қауіпсіздік комитетінде және Ұлттық экономика министрлігінде бар", - деп хабарлады қаржы министрі Әлихан Смаилов.

Оның айтуынша, бюджет шығыны 7,92 триллион теңгеге немесе 99,2 пайызға жеткен.

"Игерушілік жақсарды, атқарылмағаны 53,6 милиард теңге. Үнемдеуді есепке алмағанда - 6,5 миллиард, игерілмегені - 47,1 миллиард теңге. Бұл биылғы 8 айдағы көрсеткіштен 33 миллиард теңгеге жоғары", - деп хабарлады Смаилов. 

Сағынтаев үкіметті барлық күшті мобилизациялауға шақырды.

"Біз қазір бюджетті нақтылаймыз, ертең Парламентте қаралатын болады. Қаржы министрінің мәлімдеуінше, сіздердің барлықтарыңызға игерілмеген қаражат жөнінде еркерту жасалған. Олар алып тасталады, өзгерістер қарастырылып, бюджет нақтыланады. 9 айдың қорытындысы бойынша қандай әкімдіктер игермеді, олардың қаржысы алып тасталынады. Бұл қаражат белсенді игеретіндерге, өзге бастамаларға беріледі. Жыл соңына дейін үш ай бар, әр айдың қорытындысы бойынша игерілмеген қаржы алынып отырады. Мұны Парламентке жетпей шешеміз және игере алатын, сұрап отырған жерлерге береміз", - деп ескертті премьер-министр. 

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай