+7 (777) 001 44 99
Қазақша
Русский
English
Қазақша
Русский
English
БЖЗҚ зейнетақы активтерін инвестициялық басқару бойынша шолуда есептелген инвестициялық кіріс бойынша шығындарды түсіндірді, - деп хабарлайды Tengrinews.kz тілшісі.
Қордың мәліметінше, 2025 жылғы қаңтарда есептелген инвестициялық кіріс минус 284,86 миллиард теңге болған.
БЖЗҚ мәліметінше, бұл теріс көрсеткіш шетел валюталары бағамының құбылмалылығы мен ол инвестициялаған қаржы құралдарының нарықтық құнының өзгеруінен пайда болған.
"Негізгі себептері – теңгенің АҚШ долларына қатысты 525,11-ден 518,14 теңгеге дейін нығаюынан болған валюталық қайта бағалау, сондай-ақ Қазақстан Республикасы Қаржы министрлігінің мемлекеттік бағалы қағаздарының (МБҚ) нарықтық құнының, олардың кірістілігінің орташа есеппен 40 базистік пунктке өсуі аясында төмендеуі. Сонымен қатар, шетелдік нарықтарда сатып алынған активтердің де нарықтық құны азайды", – делінген хабарламада.
Қаңтарда нарықтағы құбылмалылық АҚШ президенті Трамптың тарифтер енгізу қаупі мен еңбек нарығының тұрақтылығы аясында байқалды.
Сонымен қатар, БЖЗҚ зейнетақы активтерінің соңғы 12 айдағы салымшылар (алушылар) шоттарына бөлінген кірістілігі 15,66 пайыз, ал осы кезеңдегі инфляция 8,90 пайыз болған.
"2025 жылдың қаңтар айында БЖЗҚ зейнетақы активтерінің салымшылар (алушылар) шоттарына бөлінген кірістілігі (-)1,25 пайыз болды", – делінген хабарламада.
Жалпы, Ұлттық банктің сенімгерлік басқаруындағы БЖЗҚ зейнетақы активтері 22,28 триллион теңге болған. Портфельдің негізгі үлесін Қаржы министрлігінің мемлекеттік бағалы қағаздары алады. Олардың қаңтар айындағы үлесі 41,40 пайыз болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
