Қытай Қазақстанда зауыттар салғалы отыр

15 Желтоқсан 2014, 16:17
0
Қытай Қазақстанда зауыттар салғалы отыр - ©Тengrinews.kz
©Тengrinews.kz

Қытай Қазақстанда зауыттар салуға дайын. Бұл туралы ҚХР Мемлекеттік кеңесінің премьері Ли Кэцян Шанхай ынтымақтастық ұйымы үкімет басшылары кеңесінің отырысы барысында айтты, - деп хабарлайды Tengrinews.kz тілшісі. 

"Біз қазір екі тараппен бірге біздің ынтымақтастығымыз бойынша шекті келісім жасауға тырысып жатырмыз, себебі Қытай жабдықтар мен технология саласында мықты, біз Қазақстан аумағында әйнек, цемент өндіретін және ауыл шаруашылығы өнімдерін өңдейтін зауыттар салуға дайынбыз, бұл "Нұрлы жол" бағдарламасының тұжырымдамасымен өте үйлеседі", - деді Ли Кэцян. Оның айтуынша, Қытай Қазақстанның ұлттық валютамен есеп айырысу бастамасын қолдайды. 14 желтоқсан күні Қазақстан мен Қытай ұлттық валюталарды өзара айырбастау туралы келісімге қол қойды.

"Біз экономикалық ахуалдың сын-қатерлеріне қарсы тұру үшін өзара сауда мен инвестицияларға анағұрлым қолайлы жағдайлар жасауға дайынбыз. ШЫҰ ұйымы бойынша әріптестермен бірге сауда-саттық пен инвестициялар саласындағы кедергілерді азайту үшін және бір-біріміздің нарығымызға қолжетімділікті кеңейтетүсу үшін өзара қарым-қатынасты жақсартуды қарастырамыз", - деді Ли Кэцян.

Айта кетейік, 14 желтоқсан күні Астанада Іскерлік кеңес отырысы аясында Ли Кэцян Қазақстанға инфрақұрылымдарды дамытуға көмектесуді ұсынған болатын. 


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай