Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Путин Лукашенко мен Назарбаевқа валюта одағын құру мәселесін талқылауды ұсынды

20 Наурыз 2015, 18:55
2
©Тұрар Қазанғапов
©Тұрар Қазанғапов

Ресей президенті Владимир Путиннің пікірінше, валюта одағын қалыптастыратын кез жетті, - деп хабарлайды Tengrinews.kz тілшісі.

"Серіктестерімізбен монетарлық саясатта үйлестіруді жалғастыруға шарттастық. Келешекте валюта одағын қалыптастыру мүмкіндігі туралы да талқылайтын кез жетті деп ойлаймыз", - деді Путин Қазақстан, Ресей, Беларусь президенттерінің Ақордадағы үшжақты кездесуін қорытындылап.

"Иық тіресе жұмыс істей отырып, сыртқы қаржылық факторлар мен экономикалық қауіптерге әрекет ету, бірлескен нарықты қорғау оңайырақ", - деді Ресей президенті. 

Еске салайық, Еуразиялық экономикалық одақ шеңберінде валюта одағын қалыптастыру тақырыбы 2014 жылы да талқыланған еді. Ол кезде Қазақстан мен Ресей премьер-министрлерінің бірінші орынбасарлары бір-біріне қайшы келетін мәлімдемелер жасады. Ресей өкілі Игорь Шувалов келешекте ЕАЭО шеңберінде валюта одағын құру мәселесі қаралуы мүмкін екенін айтты. Ал Қазақстан өкілі Бақытжан Сағынтаев мұндай одақ туралы әңгіменің болуы мүмкін емес екенін мәлімдеді. 

"Қандай да бір сәтте бізге қаржы одағы немесе, тіпті, валюта одағы мәселесін салмақты түрде зерттеу керек болады. Бірақ бұл мәселе келешекте қаралады, әзірше күн тәртібінде жоқ", - деді Ресей үкіметі төрағасының бірінші орынбасары Игорь Шувалов өткен жылдың 29 мамырында Астанада ЕАЭО туралы шартқа қол қойылған кезде. 

"Дұрыс түсінік болуы үшін айта кетейін, біз бұл мәселені біздің деңгейімізде де, мемлекет басшылары деңгейінде де талқылаған емеспіз. Бүгін Президент Нұрсұлтан Назарбаев Алматы қаржы орталығы ретінде қарастырылатын болатынын айтты, сондықтан ол ұлтүсті қаржы реттеушісін құру шеңберінде ғана болады. Ешқандай валюта, қаржы одағы туралы әңгіме болған жоқ", - деп мәлімдеді ҚР бірінші вице-премьері Сағынтаев.  


Нравится
Поделиться
Пікірлерді көру (2)
Оқылып жатыр
Талқыланып жатыр
Бүгін
Апта
Ай