26 мамыр 2018 09:30

Ресейден жеткізілген құс еті Қазақстанда сальмонеллез таратып жатыр

ПОДЕЛИТЬСЯ

© tvcook.ru © tvcook.ru

Ресейден жеткізілген құс еті сальмонеллез таратып жатыр, деп хабарлады КТК.


Ресейден жеткізілген құс еті сальмонеллез таратып жатыр, деп хабарлады КТК.

Телеарнаның мәліметінше, Ресейден жеткізілген сапасыз құс еті еліміздің 7 бірдей облысына тарап кеткен. Ал олардан сальмонеллез ауруын тарататын бактериялар табылыпты. Еліміздің бас санитар дәрігері осылай деп дабыл қақты.

Оның айтуынша, елімізге сырттан жеткізілетін барлық құс етінің 10 пайызы қауіпсіздік талаптарына сәйкес келмейді. Ал Ресейден әкелінген әлгі ауру ет Ақмола, Солтүстік және Шығыс Қазақстан, Қарағанды, Қостанай, Жамбыл және Алматы облыстарының дүкендерінен анықталыпты. Мамандардың айтуынша, құс етін құйтырқылықпен сататындар әсіресе, ет құрамына антибиотиктер мен гармоналды препараттар егіп жіберуге әбден машықтанып алған. Яғни, етті ісіндіріп, мұздатып салмағын арттыру үшін фосфат аралас екпе салады. Бар бәле осыдан. Өйткені, ет мұздаған кезде бұлшықеттері ажырайды да ондағы бактериялардың таралуы 2-3 есе артып кетеді.

"Жыл басынан бергі 4 айда импорттық құс өнімдеріне 1244 сынама жасап, соның 32 пайызы талапқа сай келмейтінін анықтадық. Оның ішінде, тауар белгісінің дұрыс қойылмауына дейін бар. Ал тек ет сапасы бойынша 1,5 тонна қауіпті өнім анықталды. Оларға миллион теңге айыппұл салдық", - деді Қоғамдық денсаулық сақтау комитетінің төрағасы Жандарбек Бекшин.

Дереккөз: КТК.

Как вам дизайн сайта Tengri News?
Пройти опрос
Читайте также
Join Telegram

Валюта бағамы

 449.3   483   4.85 

 

Ауа райы

 

Редакция Жарнама
Социальные сети