Самұрық-Қазына бір жылда бір зауыттың ақшасын үнемдей алады

27 Ақпан 2014, 15:05

Фото © tengrinews.kz

Бүгінде "Самұрық-Қазына" ұлттық әл-ауқат қоры бір жылдың ішінде 1 миллиард долларды үнемдей алады, деп хабарлайды Tengrinews.kz тілшісі қордың басқарма төрағасы Өмірзақ Шөкеевке сілтеме жасап.

Қор төрағасы атап көрсеткендей, 2013 жылға дейін "Самұрық-Қазынаның" тиімсіз активтері артып келген. Осыған байланысты өткен жылы ондай нысандардың бір бөлігі аукцион арқылы сатылса, қалғаны жергілікті әкімдерге тегін таратылды. Сөйтіп, қордың шығындары біразға дейін азайды. "Биыл біз тағы 75 активті есептен шығаруды жоспарлап отырмыз. Осының арқасында 5,7 миллиард теңге үнемделеді", - деді бүгін Астанадағы брифингте Ө.Шөкеев. Сондай-ақ қордың электронды сатып алулар жүйесі 70 миллиард теңгеге дейін қаржы үнемдеуге мүмкіндік бермек.

"Жалпы, соның бәрін қосатын болсақ, біз 1 миллиард долларға жуық ақшаны үнемдей аламыз. Бір миллиард доллар ол не? Мәселен, биыл біз параксилол шығаратын зауыт құрылысын аяқтайын деп жатырмыз. Оның бағасы - бір миллиард доллар. Демек, бір миллиард долларды үнемдеудің арқасында біз бір жылда бір зауыт сала аламыз", - деп атап көрсетті Ө.Шөкеев.

Тақырып бойынша сілтемелер:

"Самұрық-Қазына" биыл Түркия мен Қырғызстандағы отельдерін сатады Самұрық-Қазына жалақыны көтереді "Эйр Қазақстан" жұмысын келесі жылдан бастайды

"Нарық" айдарындағы басқа жаңалықтар :

Қазалыда африкалық тары егілетін болады "ҚазМұнайГаздың" табысы артып келеді Теңгенің құнсыздануына байланысты Ұлттық қордан бір триллион теңге бөлу керек - "Казпотребнадзор" Коммуналдық қызмет көрсету бағасы көтерілмейді Қарашығанақта табыстың 80%-ын Қазақстан алатын болады

Подписаться на канал новостей TengriNews:

Нравится Поделиться

Пікір қалдырыңыз