Астраханьда аяқталған IV Каспий саммиті аясында Мемлекет басшысы Нұрсұлтан Назарбаев Әзірбайжан Республикасының президенті Ильхам Әлиевпен кездесті, - деп хабарлайды Tengrinews.kz тілшісі Ақорданың баспасөз қызметіне сілтеме жасап.
Кездесу барысында екі елдің көшбасшылары Каспий маңы мемлекеттерінің төртінші саммитінің қорытындылары туралы сөз қозғады.
Нұрсұлтан Назарбаев пен Ильхам Әлиев, сондай-ақ, екіжақты ынтымақтастықтың бірқатар мәселелерін, соның ішінде, сауда-экономикалық, отын-энергетика, инвестиция және мәдени-гуманитарлық салалардағы өзара іс-қимылдың болашағын талқылады.
Сонымен қатар, мемлекет басшылары халықаралық күн тәртібіндегі өзекті мәселелер жөнінде пікір алмасты.
