Сиднейде ерекше инсталляция пайда болды - қаланың орталығындағы ескерткішке ашық қызғылт түсті 18 метрлік мүшеқап кигізілді, - деп хабарлайды AFP.
Идеяның авторы - Жаңа Оңтүстік Уэльстің СПИД мәселелері жөніндегі кеңесі (ACON). "Бұл инсталляция көпшіліктің қызығушылығын туғызатыны белгілі, өйткені біз оған қаланың ең көрнекі орындарының біріндегі нысанды таңдадық", - деп мәлімдеді ұйым өкілі Николас Паркхилл. Мүшеқап кигізілген ескерткіш қаланың ең танымал орны - Хайд-паркте орналасқан.
Паркхиллдің айтуынша, бүкіл әлемнің ғалымдары жасап жатқан дәрі-дәрмек СПИД-ке қарсы күреске көмектесуі мүмкін, бірақ аурудың таралуын тоқтатуда шешуші күш бұрынғысынша мүшеқапта. Инсталляция 12 қарашаға дейін тұрады. Айта кетейік, 1 желтоқсан күні СПИД-ке қарсы күрестің бүкіләлемдік күні аталып өтеді.
Бұған дейін Семейде үш метрлік мүшеқап жасалғаны хабарланған еді. Қаланың орталық алаңында "АнтиСПИД" атты флешмоб өтті. Ондаған жас жиналған акция кезінде еріктілер адамдарды "СПИД"-тен - арнайы костюмдегі кейіпкерден қорғады. Үш метрлік мүшеқап оны "ауыздықтауға" қолданылды.
