Өскеменнен 320 шақырым қашықтықта 30 қараша күні Астана уақытымен сағат 19.44-те магнитудасы 4,4 жер сілкінісі тіркелді, деп жазады Tengrinews.kz Еуропалық-Жер орта теңізі сейсмикалық орталығына сілтеме жасап.
Жер сілкінісі ресей-қытай шекарасында болды. Жерасты дүмпуінің ошағы 20 шақарым тереңдікте байқалған екен. Зілзала кіндігінің орналасқан жерлерін атап шықсақ: Зыряновскіден шығысқа қарай 225 шақырымда, Риддерден оңтүстік-шығысқа қарай 282 шақырым жерде, сонымен қатар, Беляши (Ресей) ауылынан солтүстік-шығысқа қарай үш шақырым және Баян-Өлгей қаласынан (Моңғолия) солтүстік-батысқа қарай 203 шақырым қашықтықта. Зілзаладан жапа шеккендер жоқ.
