Алматыдан 187 шақырымда магнитудасы 4,5-ке тең жер сілкінісі болды, - деп хабарлайды Тengrinews.kz тілшісі ҚР БҒМ Ғылым комитетінің "Сейсмологиялық тәжірибе-әдістемелік экспедиция" мекемесіне сілтеме жасап.
Жер сілкінісі 1 наурыз күні Астана уақыты бойынша сағат 00.09-да тіркелген. Оның эпицентрі Алматыдан оңтүстік-батысқа қарай 187 шақырымнан - Қырғызстан аумағынан анықталды.
Тербеліс 9,8 деген энергетикалық класқа жатқызылып отыр. Жерасты дүмпулерінің ошағы 5 шақырым тереңдікте болған.
Еске сала кетейік, бұған дейін Алматыдан 93 шақырымда магнитудасы 3,9-ға тең жер сілкінісінің болғаны хабарланған еді. Жер сілкінісі 22 ақпан күні Қырғызстан аумағында Астана уақыты бойынша сағат 08.44-те тіркелді. Оның эпицентрі Алматыдан оңтүстік-шығысқа қарай 93 шақырым жерде болды. Дүмпулердің энергетикалық класы - 8,5. Жерасты дүмпулерінің ошағы 5 шақырым тереңдікте болған. Зардап шеккендер мен қираған нысандар жайлы мәлімет жоқ.
