Футболдан Қазақстан құрамасының жартылай қорғаушысы Бауыржан Исламхан жаңа маусымда алматылық "Қайраттың" капитаны болады, - деп хабарлайды Vesti.kz тілшісі.
Бұл кандидатураны алматылық клубтың бас бапкері Владимир Вайсс таңдады. Оның айтуынша, Исламханның мінез-құлқы сыпайы және оның бойында көшбасшылық қасиет бар.
Айта кетейік, 23 ақпанда Бауыржан Исламхан 22 жасқа толды. Ол өткен маусымды да "Қайраттың" капитаны болып аяқтаған еді. Сонымен қатар, ол 1 наурызда өткен Қазақстан Суперкубогы үшін болған матчта алматылық команданы "Астана" командасына қарсы ойынға алып шықты. Алайда "Қайрат" командасы пенальтилер сериясында жеңіліп қалды.
Еске сала кетейік, 7 наурызда өтетін футболдан Қазақстан премьер-лигасының алғашқы турында "Қайрат" Алматыда қостанайлық "Тобыл" командасымен ойнайды. Матч 17.00-де басталады. Бірінші турдың өзге де ойындарының кестесімен мына жерден танысуға болады.
