1. Басты
  2. Біл
  3. Спорт
  4. Футбол

"Астана" ФК Қазақстан Суперкубогы иегері атанды

  • 1
Фото Қазақстан футбол федерациясы сайтынан Фото Қазақстан футбол федерациясы сайтынан

"Астана" футбол клубы пенальтилер сериясында алматылық "Қайратты" жеңіп, Қазақстан Суперкубогының иегері атанды, - деп хабарлайды Vesti.kz

"Астана Арена" стадионында өткен кездесудің негізгі ойыны 0:0 есебімен аяқталған еді. Дегенмен порталдың мәліметінше, бірінші таймның соңында "Қайрат" командасының, ал екінші таймда "Астананың" есеп ашуына бірнеше мүмкіндік болды, бірақ қарсыластың қақпасына бағытталған соққы мүлт кетіп жатты. Толығырақ мына жерден оқи аласыздар. 

Екі қосымша таймда да жеңімпаздар анықталған жоқ, есесіне пенальтилер сериясында астаналық команда ойыншылары мүмкіндікті қалт жібермеді. Есеп - 3:2. "Астана" құрамында Марин Аничич, Рохер Каньяс пен Абзал Бейсебеков, ал "Қайрат" құрамында Сито Риера мен Тимур Родосельский гол сала алды. 

Сөйтіп, "Астана" ФК Қазақстан Суперкубогының иегері атанды. Айта кетейік, Қазақстандағы футбол маусымын ашқан матчты Мемлекет басшысы Нұрсұлтан Назарбаев тамашалап, жеңімпаз команданы құттықтады, оларға Суперкубокты табыс етті.