+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматыда Ұлы Отан соғысының барлық ардагері баспанамен қамтылған. Бұл мәлімдемені қала әкімі Ахметжан Есімов жасады, - деп хабарлайды Tengrinews.kz тілшісі.
Алматыда Ұлы Отан соғысының барлық ардагері баспанамен қамтылған. Бұл мәлімдемені қала әкімі Ахметжан Есімов жасады, - деп хабарлайды Tengrinews.kz тілшісі.
Жеңістің 70 жылдығы және Қазақстан халқының Бірлігі күні қарсаңында 200 алматылыққа пәтер кілттерін тапсырды. Соғыс ардагерлері, көпбалалы аналар, жетім балалар, өндірісте қаза болғандардың отбасылары, білім беру, денсаулық сақтау, құқық қорғау салаларының қызметкерлері мен жас жанұялар жаңа қоныс иелері атанды.
"Мемлекет басшысының арнайы өкімі қабылданып, жыл сайын соғыс ардагерлеріне қажетті барлық жағдайлар жасалуда. Осыдан бес жыл бұрын барлық алматылық ҰОС ардагерлерінің пәтер мәселесі шешілген болатын. Содан бері қарай бізге еліміздің өзге өңірлерінен келгендер бар, міне, бүгін қалған ардагерлердің тұрғын үй мәселесін толық шешіп отырмыз", - деді Есімов.
Осыған дейін Алматыда Жеңістің 70 жылдығына орай, ҰОС ардагерлеріне электр қуатының ақысын төлеуге жеңілдіктердің берілетіні хабарланған болатын. 1 мамырдан бастап 31 желтоқсанға дейін соғыс ардагерлері ай сайын 70 кВт электр қуатын төлеуден босатылады. Осы уақыт аралығында ардагерлер белгіленген көлемнің үстінен қолданылған электр қуатына ғана төлейді.
