Астанада соңғы қоңыраудан қайтқан оқушыны көлік қағып кетті, - деп хабарлайды Tengrinews.kz тілшісі. Бұл туралы қалалық ІІД баспасөз қызметі хабарлады.
Жалғасы
"25 мамырда сағат 12 шамасында Иманов көшесі бойымен Петров көшесіне бағыт алған Toyota Land Cruiser Қажымұқан көшесімен қиылыста оңға бұрылып жатып, жаяу жүргіншілерге арналған өткелде кәмелетке толмаған баланы қағып кетті. Нәтижесінде оқушы көз жұмды. Қазір оқиға орнында Астана ІІД қызметкерлері жұмыс істеп жатыр", - деді баспаөз қызмтетіндегілер.
Баспасөз хатшысының айтуынша, оқушы шамамен 10-11 жаста, оның аты-жөні анықталып жатыр.
