+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Олимпиада-2022 Бейжіңде өтетін болды. Малайзиялық Куала-Лумпурде өткен Халықаралық олимпиада комитетінің (ХОК) 128-сессиясында Қытай делегациясы Олимпиада ойындарын өткізуге кандидат-қаланың ақтық таныстырылымын ұсынды. Қысқы ойындарды өткізуге Бейжіңнің бақталасы Алматы болды.
Олимпиада-2022 Бейжіңде өтетін болды. Малайзиялық Куала-Лумпурде өткен Халықаралық олимпиада комитетінің (ХОК) 128-сессиясында Қытай делегациясы Олимпиада ойындарын өткізуге кандидат-қаланың ақтық таныстырылымын ұсынды. Қысқы ойындарды өткізуге Бейжіңнің бақталасы Алматы болды.
Қытай өтінішін 12 адамнан тұратын делегация таныстырды, олардың арасында ҚХР Мемлекеттік кеңесінің вице-премьері Лю Яндунь, Бейжің әкімі Ван Аншунь, ХОК мүшесі Янг Янг пен ҰБҚ-ның экс-жұлдызы Яо Мин бар.
Алматының өтінімін Куала-Лумпурде шенеуніктер мен саясаткерлерден өзге (Кәрім Мәсімов, Ахметжан Есімов, Тимур Құлыбаев, Бердібек Сапарбаев, Қайрат Боранбаев), атақты қазақстандық спортшылар - Денис Тен, Серік Сәпиев, Ермахан Ибраимов, Елена Хрусталева, Юлия Галышева, Сабина Алтынбекова және тағы да басқалар таныстырды.
Айта кетейік, Алматы ХОҚ-қа ресми түрде өтініш берген бірінші қала болды. Бұған дейін сарапшылар Алматы өтінімінің артықшылықтарын атады - осыған ұқсас жарыстарды өткізу тәжірибесі (2011 жылғы Азия ойындары), инфрақұрылым нысандарының 70 пайызға дайын болуы, ықшамдылығы (егер Олимпиада Алматыда болса, ол 30 шақырым радиуста өтеді, ал Бейжіңде бұл көрсеткіш жеті есеге жоғары - 200 шақырым), сонымен қатар, климаты - Алматыда Бейжіңге қарағанда қар қалың түседі.
© Дмитрий Хегай
Өз өтініштерінде Қытай делегациясы жарыстың көп бөлігінің стадиондарда өтетінін мәлімдеді, нақтырақ айтқанда, 2008 жылы жазғы Олимпиада ойындары өткен нысандарда. Ол Ойындарды өткізуді тиімді ете түседі. Сонымен қатар, Бейжің көлік инфрақұрылымын жетілдірудің жоспарын ұсынды. Айта кетейік, Қытай өтінішіндегі ең осал тұс ретінде ол елдегі спорт нысандарының бір-бірінен алшақ орналасуы аталған еді. Ал бұл кезде Алматы Олимпиаданы 30 шақырым радиуста өткізуді ұсынды, Бейжіңде бұл көрсеткіш жеті есеге дейін жоғары - 200 шақырым. Қытай билігі мәселенің шешімін тапты. Бейжіңнен Чжанцзякоуға дейін жоғары жылдамдықты теміржол салынады, ол Олимпиаданың ең басты үш нысанын жалғайтын болады.
"Бейжің-Чжанцзякоу жобасы бойынша пойыздардың жылдамдығы сағатына 350 шақырым болады. Пекин-Чжанцзякоудағы Олимпиада нысандарының аралығына кететін уақыт шамамен 52 минут болады", - деп келтірді Қытайдың халықаралық радиосы елдің дамыту және реформа істері жөніндегі Мемлекеттік комитеті басшысының орынбасары Ван Сяотаоның сөзін.
ХОК мүшелерін толғандырған тағы бір мәселе экология болды. Алайда Бейжің спортшыларға таза ауаны уәде етіп отыр.
Олимпиада-2022 Бейжіңде 4-20 ақпан аралығында өтеді.
