Сәулет және қала құрылысы басқармасы Tengrinews.kz редакциясына болашақ McDonald's-тың сызбаларын ұсынды.
Тілшінің ресми сауалына жауап берген басқармадағылар жылдам әзірленетін тағамдар мейрамханасының қандай болатынын көрсетті. Ғимарат Қабанбай батыр көшесіндегі 26 үйде болады (бұрын ол жерде Sembol Insaat түрік құрылыс компаниясының ғимараты болған).
Айта кетейік, McDonald's-тың Қазақстанда ашылатыны 2014 жылы қарашада белгілі болды. Ол кезде франчайзерлікті атақты бизнесмен Қайрат Боранбаевтың алғаны хабарланған еді.
Айта кетейік, McDonald's Астанада Бөгенбай батыр көшесінде де (49-үй) пайда болады. Сонымен қатар, Алматыда мейрамхананың "Алатау" кинотеатрының орнына тұрғызылатыны анықталды. Мейрамханалар 2016 жылдан бастап жұмыстарын бастайды деген болжам бар.
