Наурыз мейрамының құрметіне қазақстандық әскерилер аспанда шаңырақты бейнеледі, - деп хабарлайды Tengrinews.kz тілшісі қорғаныс министрлігінің баспасөз қымзетіне сілтеме жасап.
"Осы көктемгі мерекеге орай Әуе қорғанысы күштерінің әскери қызметшілері қазақстандықтарға сыйлық тарту етті. Су-27 жойғыш ұшақтарында авиабазадан ұшып шығып, көк аспанда отбасы - ошақ қасының, ұрпақ жалғастығының, жанұялық жылулық пен ырыс-берекенің символына айналған шаңырақтың нақышын бейнеледі. Қазақ халқында осы элементпен көптеген ізгі тілектер байланысты. Мәселен, "Шаңырағың биік болсын", "Шаңырағың шайқалмасын" деген сынды ақ тілекке толы баталы сөздер жиі кездеседі", - делінген хабарламада.