Қазақстан территориясында магнитудасы 3,8-ге тең жер сілкінісі тіркелді, - деп хабарлайды Tengrinews.kz ҚР БҒМ Ғылым комитетінің Сейсмологиялық тәжірибе-әдістемелік экспедициясына сілтеме жасап.
Жерасты дүмпуі Астана уақыты бойынша 16 мамыр күні сағат 10.50-де тіркелді. Зілзаланың эпицентрі Алматының солтүстік-шығысына қарай 213 шақырымда болды.
ҚР БҒМ Ғылым комитетінің Сейсмологиялық тәжірибе-әдістемелік экспедициясының мәліметінше, жер сілкінісінің энергетикалық класы 8,8-ге тең. Зілзаланың ошағы бес шақырым тереңдікте пайда болған.