ҰБТ-ның бесінші ағымының қорытындысы жарияланды, - деп хабарлайды Tengrinews.kz тілшісі.
Ведомство өкілдерінің мәліметінше, 14 тестілеу пунктерінде өткізілген тестілеуге қатысуға өтініш жазған 6 339 түлектің 6 153-і тестілеуге қатысты (97 пайыз). ). Соның ішінде қазақ тілінде - 5 168, орыс тілінде - 985.
Мұнымен қатар, сынақтан өтушілерден тыйым салынған 5 948 зат алынған. Айта кетейік, 2015 жылы 7 548 зат алынған болатын. Ал орташа балл - 80,1 (өткен жылы 77,4 балл). Министрліктегілердің айтуынша, көрсеткіштің жақсаруы ҰБТ-ға жақсы дайындықтың нәтижесі екен.
Ал 50 балл шектік межесіне 1 121 түлек жете алмаған (18,2 пайыз). Ал 125 баллды бұл жолы ешкім алмапты. 100 баллдан жоғары алғандардың саны - 1 255 (20,3 пайыз).
Айта кетейік, ҰБТ қорытындысы www.testcenter.kz сайтында тестілеу пунктерінде қорытындыларын шығарумен бір уақытта жарияланады.