Кәрім Мәсімов Қашағанда мұнай өндірісі 2016 жылдың қазанында басталатынын мәлімдеді, - деп хабарлайды Tengrinews.kz тілшісі премьер-министрінің ресми сайтына сілтеме жасап.
"Мұнай өндіру мәселесі бойынша - энергетика министріне және "ҚазМұнайГазға" тапсырма: сіздер мұнай өндіру көлемінің 74 миллион жоспардан 75 миллион тоннаға дейін арттыруды қамтамасыз етулеріңіз қажет. Осы тапсырмалар орындалуы үшін іс-шаралар өткізу керек. Сондай-ақ жеке сіздің және "ҚазМұнайГаздың" алдында 2016 жылдың қазан айында Қашағанда мұнай өндіруді бастау туралы міндет тұр. Сондықтан, Консорциуммен бірге барлығын логикалық соңына жеткізіп, Қашағанды қазан айында іске қосу қажет", - деді Премьер-министр.
"Қашаған кен орны жоспар бойынша 2016 жылдың соңында іске қосылуы тиіс. Желтоқсан айында біз мұнайды 35 тонна көлемінде аламыз", - деді энергетика министрі Қанат Бозымбаев халыққа есеп беру кездесуінде.