Елордада 6 шілдеде 63 бала дүниеге келді, - деп хабарлайды Tengrinews.kz Астана қалалық Денсаулық сақтау басқармасының баспасөз қызметіне сілтеме жасап.
Басқарма өкілдерінің айтуынша, Астанада 2016 жылдың 6 шілдесінде 63 бала дүниеге келді. Олардың ішінде 27 қыз бен 36 ұл.
№ 1 перинаталдық орталықта 31 жаңа туған нәресте дүниеге келді. Олардың ішінде 16 ұл мен 15 қыз, сондай-ақ дүниеге келгендердің арасында бір егіз бала бар.
Ал № 2 перинаталдық орталықта 19 бала дүниеге келген: 6 қыз бен 13 ұл.
Үшінші перзентханада - № 3 перинаталдық орталықта өткен тәулікте 13 бала дүниеге келген: 6 қыз бен 7 ұл.
Еске салайық, 4 шілдеде Астана қалалық № 1 перинаталдық орталықта Астананың миллионыншы тұрғыны дүниеге келген болатын.