Астанада бір жігіт 15-қабаттан құлап кетті, - деп хабарлайды Tengrinews.kz тілшісі куәгерлерге сілтеме жасап.
"Қазір ғана біздің үйдің 15-қабатынан бір жігіт секіріп кетті. (...) ТЖ мен жедел жәрдем кіреберіске жақындап келе алмады, себебі қойылған көліктер кедергі болды. Өте өкінішті... P.S. үлкен ел - адамдар аз, жеріміз үлкен - қарапайым адамға жер аз... барлық жақта өзімшілдік...", - деп жазды Facebook желісінде Махаббат Есен. Оқиғаның мән-жайы әзірше белгісіз.
Еске салайық, күні кеше осыған ұқсас оқиға Өскеменде болған еді. Оқиға 25 тамызда Протозанов көшесінде болған. 15-қабаттан құлаған ер адам Toyota Prado көлігінің үстіне түскен. Абырой болғанда, ер адам аман қалыпты.