Орта салмақта WBA (Super), IBO, IBF және WBC тұжырымдары бойынша әлем чемпионы қазақстандық Геннадий Головкин мен WBA regular чемпионы Дэниэл Джейкобспен жекпе-жегінің нақты уақыты белгілі болды, - деп хабарлайды Vesti.kz тілшісі.
18 наурызда Нью-Йорктің Madison Square Garden аренасында өтетін бокс кешінің басты жекпе-жегі 19 наурызда Астана уақыты бойынша сағат 09:40-та басталады. Астана уақытымен 08:40-та рингке никарагуалық Роман Гонсалес пен Тайланд боксшысы Висаксил Вангек шығады. 07:50-де мексикалықтар Карлос Куадрас пен Давид Кармон жұдырықтасады.
Айта кететейік, "Қазақстан" және KazSport телеарналарында бокс кешінің трансляциясы 08:00-де басталады.