Синоптиктер 2017 жылғы 25-27 наурызға арналған ауа райы болжамын жария етті, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Республикамыздың көптеген облыстарында фронттардың өтуімен байланысты тұрақсыз ауа райы күтіледі, жауын-шашын, көктайғақ, түнгі және таңғы уақыттарда тұман және кей жерлерде желдің күші 15-20 метр секундына дейін күшейеді деп күтіледі", - дейді синоптиктер.
"Иран өңірлерінен жылы ауа массаларының енуімен, ауа температурасы солтүстік, шығыс және орталықта +3+8-қа дейін, оңтүстікте 15-20 градусқа дейін, еліміздің батысында 5-13-қа дейін жоғарылауы болжанады" - деп болжады "Қазгидромет" РМК мамандары.