Павлодар облысында 4 жасар бала КамАЗ-дың кабинасында өртеніп кетті, - деп хабарлайды Tengrinews.kz тілшісі. Жедел мәліметтерге қарағанда, қайғылы оқиға Павлодар облысы Ақсу қаласында болған.
Жалғасы
"Өртті сөндіру барысында КамАЗ-дың кабинасынан 2013 жылғы баланың денесі табылды", - деді Павлодар облыстық ТЖД баспасөз қызметіндегілер. Жүк көлігінің Қамзин 3/1 көшесінде тұрғаны белгілі болды.
Өрт салдарынан көлік толықтай өртеніп кеткен. Өрт аумағы алты шаршы метрді қамтыды. Оқиға орнында баланың әкесі де болған. Оқиғаның мән-жайы анықталып жатыр. "Қазіргі уақытта осы дерекке қатысты барлық мәлімет полицияға жіберілді", - деді облыстық ТЖД баспасөз қызметіндегілер.