+7 (777) 001 44 99
Қазақша
Русский
English
WBO тұжырымы бойынша бірінші орта салмақтағы мексикалық Сауль "Канело" Альварестің (48-1-1, 34 КО) мүддесін қорғайтын Golden Boy Promotions компаниясының президенті Эрик Гомес WBA (Super), IBO, WBC және IBF тұжырымдары бойынша орта салмақтағы қазақстандық Геннадий Головкинмен қыркүйекте өтуі тиіс жекпе-жекке қатысты келіссөздер жүргізілмей қалған жағдайда "Канелоның" кіммен жұдырықтасуы мүмкін екенін айтты, - деп хабарлайды Vesti.kz.
Оның айтуынша, Головкиннің орнына олар оның бұрынғы қарсыласы - канадалық Давид Лемьемен кездесу өткізуді жоспарлап отыр.
"Біз бұл туралы айтқанбыз. Мен де Давидтің осы жекпе-жекті өткізгісі келетінін білемін. "Канело" да қарсы емес, - деді Эрик Гомес RingTV.com арнасына берген сұхбатында. - Біз Головкин мен "Канело" жекпе-жегіне қатысты келіссөздерді жалғастырып жатырмыз. Бірақ қандай да бір себептермен бұл кездесу өтпей қалса, Давид "Канеломен" жұдырықтасатын адамдардың тізімінде тұрады".
Сондай-ақ, осыған дейін Головкиннің ұлыбританиялық Билли Джо Сондерспен келіссөздер жүргізіп жатқаны хабарланған болатын. Айтуларынша, олардың жекпе-жегі Қазақстанда маусым айында өтеді деп белгіленді.
Бірақ кейінірек Головкиннің "Канеломен" қыркүйекте жұдырықтасу үшін Сондерспен маусымда өтетін жекпе-жегінен бас тартқаны хабарланды. Басылымның мәліметінше, Головкиннің командасы орта салмақтағы WBO белбеуінің иегері Сондерспен келіссөздер жүргізген. Олардың жекпе-жегі Қазақстанда 10 маусымға белгіленген болатын. Алайда көптеген дереккөздегі мәліметтерге сүйенсек, Головкин қыркүйек айында мексикалық боксшымен өтетін жекпе-жек үшін маусымдағы кездесуден бас тартып отыр.
