Таңдау жасалды: Головкин "Канеломен" қыркүйекте кездесуді ұйғарды

11 Сәуір 2017, 09:44
0
Таңдау жасалды: Головкин "Канеломен" қыркүйекте кездесуді ұйғарды - © REUTERS
© REUTERS

WBA (Super), IBO, WBC және IBF тұжырымдары бойынша орта салмақтағы қазақстандық боксшы Геннадий Головкин "Канеломен" қыркүйекте жұдырықтасу үшін Сондерспен маусымда өтетін жекпе-жегінен бас тартты, - деп хабарлайды Vesti.kz дереккөздерге сілтеме жасап.

Басылымның мәліметінше, Головкиннің командасы орта салмақтағы WBO белбеуінің иегері Сондерспен келіссөздер жүргізген. Олардың жекпе-жегі Қазақстанда 10 маусымға белгіленген болатын. Алайда көптеген дереккөздегі мәліметтерге сүйенсек, Головкин қыркүйек айында мексикалық боксшымен өтетін жекпе-жек үшін маусымдағы кездесуден бас тартып отыр. Тараптар қазіргі уақытта келіссөздер жүргізіп жатыр.

Айта кетейік, осыған дейін Сондерстің промоутері Фрэнк Уоррен келіссөздердің созылып кетуін Головкиннің жарақат алуымен байланыстырған еді. Алайда қазақстандықтың бапкері Абель Санчес бұл мәліметті жоққа шығарған болатын.

Ал "Канелоның" промоутері  Оскар Де Ла Хойя болса, Головкиннің маусымда жекпе-жек өткізу туралы жоспарын қолдамайтынын бірнеше рет мәлімдеген еді. Промоутердің айтуынша, Головкин маусымда өтетін кездесуде жарақат алып қалып, қыркүйекте мексикалықпен жұдырықтаса алмай қалуы мүмкін.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай