Головкиннің бапкері боксшының жарақат алып қалғаны жайлы мәліметке пікір білдірді

08 Сәуір 2017, 11:20
0
Головкиннің бапкері боксшының жарақат алып қалғаны жайлы мәліметке пікір білдірді -

Қазақстандық боксшының бапкері Абель Санчес Геннадий Головкиннің жарақат алып қалғаны жайлы ештеңе білмейтінін және Билли Джо Сондерстің промоутері Фрэнк Уорреннің неліктен жоқ жарақат жайлы мәлімет таратқанын түсінбейтінін айтты, - деп хабарлайды Vesti.kz.

"Мен Фрэнктің не жайлы айтып жатқанын білмеймін. Ешқандай да жарақат алған жоқ, бірақ кез келген боксшы жекпе-жекке жарақатпен шығып жатады ғой. Олар ешқашан жүз пайызға дайын болмайды. Бірақ мен Уорреннің Головкиннің жарақаты жайлы айтқанда нені меңзегенін білмеймін. Сіздер оның Нью-Йорктегі жекпе-жектен кейінгі суреттерін көрдіңіздер ғой", - деп келтіреді Санчестің сөзін RingTV.com телеарнасы.

Еске сала кетейік, осыған дейін ұлыбританиялық боксшы Билли Джо Сондерстің промоутері Фрэнк Уоррен Геннадий Головкиннің жарақат алып қалуына байланысты келіссөздердің созылып кеткенін мәлімдеген еді. "Бізге Головкиннің жарақат алып қалғанын айтты. Мұның соңы не боларын көрейік. Осы жекпе-жекті ұйымдастыру үшін біз қолдан келгеннің барлығын жасадық. Билли онымен жұдырықтасуға лайықты. Биллидің қалтасында әрдайым қаламы дайын жүреді. Ол кез келген боксшымен жұдырықтасуға келісімін береді. Қазіргі уақытта барлығы созылып кетті", - деген еді Уоррен.  


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай