АҚШ-тың Флорида штатында апатқа ұшыраған ұшақтың пилотын қолтырауын жеп қойған. Полицейлердің мәліметінше, әуе апаты пилот түнгі уақытта адасып кеткенінен кейін болған. Бұл туралы Daily Mail жазды.
"Сессна-152" ұшағы Хомстед маңындағы сазға құлаған. Пилотты құтқарушылардың тікұшағы жылдам тапқан. Алайда қаза тапқан пилотты алып аллигатор жеп жатқан.
Федерал авиация басқармасының мәліметінше, қаза тапқан пилот ұшақ бортында жалғыз болған.
Сондай-ақ, Майамиде тіркелген ұшақтың 2015 жылы апат жағдайында қонған дерегі анықталды. Полиция оқиғаның мән-жайын анықтап жатыр.
