Еліміздің бірнеше облысында дауылға байланысты ескерту жарияланды, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
Еліміздің бірнеше облысында дауылға байланысты ескерту жарияланды, - деп хабарлайды Tengrinews.kz тілшісі "Қазгидромет" РМК өкілдеріне сілтеме жасап.
"Шығыс Қазақстан облысы бойынша күндіз 3 тамызда кей жерлерде найзағай, бұршақ, дауыл, жел 15-20, екпіні 25 м/с күшейеді. 3 тамызда тәулік бойы Қостанай облысында найзағай, кей жерлерінде жел 15-20, екпіні 25 м/с, бұршақ, дауыл күтіледі", - деп хабарлады синоптиктер.
Сондай-ақ, 4 тамызда Жамбыл облысында кей жерлерде найзағай, бұршақ, дауыл жаууы ықтимал, оңтүстік-шығыстан соғатын жел оңтүстік-батыс желіне ауысатыны айтылады.
Еске сала кетейік, осыған дейін Қазақстанның басым бөлігінде ауа температурасы төмендейтіні хабарланған болатын. "Қазақстанның басым бөлігінде ауа температурасы күндіз 22-23 градус жылы болса, оңтүстік және оңтүстік-шығыс аумақтарда 28-38 градус жылы болады", - делінген еді хабарламада.
