Екі салмақ дәрежесі бойынша бұрынғы чемпион, қазір спорт комментаторы және сарапшы Пол Малиньяджи қазақстандық Геннадий Головкин және мексикалық Сауль "Канело" Альварес арасындағы қарымта жекпе-жекке қатысты өз ойын айтты.
Екі салмақ дәрежесі бойынша бұрынғы чемпион, қазір спорт комментаторы және сарапшы Пол Малиньяджи қазақстандық Геннадий Головкин және мексикалық Сауль "Канело" Альварес арасындағы қарымта жекпе-жекке қатысты өз ойын айтты.
Оның айтуынша, Головкин бұл жекпе-жекте фаворит, алайда, жасына байланысты алғашқы кездесудегідей жақсы жұдырықтаса алмауы мүмкін.
"Меніңше, Головкин алғашқы жекпе-жекте жеңді және бұл анық көрінді. Көп дау тудырған тамаша жекпе-жек болды. Мұны ескерсек, қарымта кездесуді өткізу қажеттілігі өзінен-өзі көрініп тұр. Қазір Головкиннің жасы сондай - жарты жыл сайын ол қартайып отырады, ал "Канело" жас, жыл артқан сайын күшейе бермек. Көрейік, қызық болады. Екеуі де бір-біріне қауіпті екенін көрсетті. Оның үстіне Головкин жүйелі әрекет етті, сондықтан әзірге басымдығы бар. "Канело" жеңіске жетсе, оны барлығы мойындайды. "Канелоға" өзін дәлелдейтін кез келді. Өйткені Головкин алғашқы жекпе-жекте жеңді, алайда, одан жеңісті алып қойды", - дейді Малиньяджи BoxingScene.com басылымына берген сұхбатында.
Еске салайық, былтыр қыркүйекте Головкин мен Альварес алғаш рет жұдырықтасқан болатын. 12 раундқа созылған бұл кездесу тең аяқталған.
Боксшылар арасында қарымта кездесу 5 мамырға белгіленген, алайда, әзірге өткізілетін орын таңдалған жоқ.
