Мексикалық Сауль "Канело" Альварестің бапкері Хосе Рейносо қазақстандық боксшы Геннадий Головкинді жеңудің жолын айтты, - деп хабарлайды vRINGe.com.
Мексикалық Сауль "Канело" Альварестің бапкері Хосе Рейносо қазақстандық боксшы Геннадий Головкинді жеңудің жолын айтты, - деп хабарлайды vRINGe.com.
"Головкин дәл солай өнер көрсетеді, ол өзгерістер енгізбейді. Соған қарамастан біз барлық жағдайды ескеріп, дайындаламыз. Головкинді жеңудің жолы - "Канелоның" физикалық тұрғыдан басымдылыққа ие болуы, ол дайын болады.
Қыркүйекте төрешілердің шығарған шешімі ешкімге де ұнаған жоқ - көрермен де, боксшылардың командаларына да. Осы жағдай ыңғайсыздық туғызды. Әрбір фанат өзі жанкүйерлік ететін боксшысының жеңетінін алға тартады. Сол себепті де көп созбай екінші жекпе-жек өткізу ұйымдастырғалы жатыр. Барлығы да бақытты", - деді Рейносо ESPN Deportes басылымына берген сұхбатында.
Рематч 5 мамырға белгіленген, алайда қай жерде болатыны белгісіз. Жекпе-жек Лас-Вегас немесе Нью-Йорк қаласында өтуі мүмкін.
Еске сала кетейік, Головкин мен Альварес бірінші рет 2017 жылы 16 қыркүйекте Лас-Вегаста кездескен еді. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.
