Қырғызстанның бұрынғы президенті Алмазбек Атамбаев еліне оралды. Бұл туралы Қырғызстан Социал-демократиялық партиясының ресми өкілі Қундыз Жолдубаева айтты, - деп хабарлайды Tengrinews.kz тілшісі Kaktus.media сайтына сілтеме жасап.
Қундыз Жолдубаева Facebook желісіндегі ресми әлеуметтік парақшасында экс-президенттің келуіне байланысты жазба қалдырған.
"Достар! Бізді күткен, күмәнданған, күтпеген жандардың бәріне сәлем! Социал-демократиялық партия делегациясы толық құрамда өз еліне аман-есен оралды! Енді тыныш ұйықтасаңыздар болады. Бірақ кейбіреулердің ұйқысы қашып кеткеніне сенімдімін. Біреу өзінің қалағанын шындық деп бергісі келген..."- деп жазды ол (автордың стилистикасы сақталған).
Басылымның мәліметінше, 22 қазанда экс-президент Алмазбек Атамбаев Мәскеуге ұшып барып, онда 24-27 қазан аралығында азиялық саяси партияның Халықаралық конференциясының Х Бас Ассамблеясына қатысқысы келген.
"Алайда, 22-23 қазан күндері К. Ш. Шаршенованың жерленуіне байланысты ол Санкт-Петербургте болған. Бұрынғы мемлекет басшысы Алмазбек Атамбаевтың бұл сапары жақын әріптесі болып саналған Икрамжан Илмиянованың тұтқындалуымен тұспа-тұс келді. Қырғызстанның кейбір БАҚ өкілдері мен жұртшылық арасында енді бұрынғы президент Қырғызстанға қайтып оралмауы мүмкін деген болжамдар тарай бастаған", - деп жазды басылым.