Қостанай облысында белгісіз біреулер жанармай бекетін тонамақшы болған. Қостанай облыстық полиция департаменті баспасөз қызметінің өкілдері осы ақпаратты расттады, - деп хабарлайды "Алау".
24 сәуірде таңғы уақытта Әулиекөл полиция бөлімшесінің кезекші бөліміне Қостанай-Әулиекөл-Сұрған тасжолында Аманқарағай ауылында белгісіз біреулер жанармай құю бекетінің ғимаратына кірмекші болғаны туралы хабарлама түскен.
"Қылмыстық пиғылмен кірмекші болғандардың әрекеті соңына дейін жетпеген. Қауіпсіздік сигналы іске қосылған. Жанармай құю станциясының ғимаратына ешкім кірмеген және залал келтірілмеген", - деді полиция департаменті баспасөз қызметінің өкілдері.