Қасым-Жомарт Тоқаев Президент лауазымында отырғанына 100 күнтолды, - деп хабарлайды Tengrinews.kz тілшісі.
Президент баспасөз қызметінің жетекшісі Берік Уәли Facebook желісіндегі парақшасында осы аралықта Тоқаевтың қандай істер атқарғаны туралы видео шолу жариялады.
"Мемлекет басшысы Қасым-Жомарт Тоқаевтың халыққа ант беріп, ресми ұлықтау рәсімін өткізгеніне 100 күн толды.
ҚР Президентінің осы аралықтағы жұмыстарына қысқаша шолу", - деп жазды Берік Уәли.
Видеода кездесулер үзінділері, Президенттің әр түрлі қалаларға барғандағы сапарларынан үзінді, оның ішінде Арыс қаласы да бар.
Қасым-Жомарт Тоқаев ресми түрде 12 мауысымда Қазақстан Президенті болып сайланды. Осы күні оның ұлықтау рәсімі өтті. 9 маусымда өткен сайлауда Тоқаев 70,96 пайыз дауыс жинады.