Нұр-Сұлтандық оқушы Әли Тұрғанбеков өміріндегі жақсы жаңалығын бөлісті, - деп хабарлайды Tengrinews.kz тілшісі.
Аяқсыз туған бала оның Instagram желісіндегі парақшасына танымал әнші жазылғанын айтты.
"Ұмытылмас күн!!! Достар, маған @kudaibergenov.dimash-тың өзі жазылды, бақыт үшін көп нәрсе қажет емес! Әр сәтті жақсы көріп, ләззат алыңыз және Жаратушыға алғыс айтыңыз. I am very very happy!!! Димаш ағай Сізге үлкен бақыт тілеймін! Мен өте қуаныштымын!!!", - деп жазған Әли Тұрғанбеков Instagram желісіндегі парақшасында.
Димаш Құдайберген Әлидің жазбасына жауап қайтарып, тілек білдірді. "Ботақаным үлкен жігіт болып өс. Ата-анаң, бауырларың ең үлкен байлығың солар аман болсын", - деп жазған әнші.