Супер ауыр салмақта әлемнің бұрынғы чемпионы Тайсон Фьюри 2020 жылдың ақпанында WBC белбеуіне ие Деонтей Уайлдермен жекпе-жек өткізетінін растады, - деп хабарлайды "Чемпионат".
Британиялық бұл туралы WWE реслинг промоушеніндегі алғашқы жекпе-жегінен кейін мәлімдеді.
"WWE-дегі жекпе-жек мен үшін ғажайып тәжірибе болды. Брон сөзсіз мықты. WWE-ге ораламын ба? Деонтей Уайлдермен жұдырықтасуды жоспарлап отырмын, 22 ақпанда өтеді. Содан кейін не боларын көреміз", - дейді Фьюри.
Еске салайық, Фьюри мен Уайлдер арасындағы бірінші жекпе-жек 2018 жылдың 1 желтоқсанында өтіп, тең аяқталған еді. Осылайша, Уайлдер алғаш рет жеңіске жете алмады.