Қостанайда мұғалім оқушы қызды сабақ үстінде ұрған, - деп хабарлайды "Алау".
Мамандандырылған әкімшілік сотта Қостанай мектептерінің бірінде мұғалімнің оқушыны ұрып-соғу ісі қаралды. Мұғалім кәмелетке толмаған оқушы қызды қасақана ұрып, денесін ауыртқан.
"Мұғалім өз кінәсін мойындамаған, алайда сот отырысы барысында кәмелетке толмаған оқиғаның куәгерлері оқушы қыздың жағына шығып, сөзін сөйледі", - деді сот баспасөз қызметінің өкілдері.
Қостанай қалалық әкімшілік мамандандырылған сотының үкімімен мұғалім ҚР Әкімшілік құқық бұзушылық туралы кодексінің 73-бабы 1-бөлігі ("Ұрып-соғу") бойынша жауапкершілікке тартылды. Оған 10 АЕК (25250 теңге) айыппұл салынды.