Мемлекет басшысы Қасым-Жомарт Тоқаев экономист Олжас Құдайбергеновті қабылдады, - деп хабарлайды Тengrinews.kz тілшісі Ақорда сайтына сілтеме жасап.
Кездесу барысында стратегиялық жоспарлау, бағдарламалық құжаттарды әзірлеудің тиімділігі, мемлекеттік органдардағы бюрократиялық рәсімдерді қысқарту, сондай-ақ, Қазақстанның жинақтаушы зейнетақы жүйесін жаңғырту мәселелері талқыланды.
Қасым-Жомарт Тоқаев еліміздің экономикалық дамуының өзекті мәселелері бойынша нақты ұсыныс жасауды тапсырды.